Жаңалықтарды Telegram арнамыздан оқыңыз!Рим Папасы Франциск интернетті Құдайдың сыйы және шынайы жақсылықтың бет-бейнесі деп атады. Бұл мәлімдемені Рим Папасы Дүниежүзілік әлеуметтік желілер күні қарсаңында діншілдерге жолдаған үндеуінде айтты.
Ватиканның news.va порталында жарияланған үндеуде «Интернет Құдайдың сыйы. Бұл адамдардың ынтымақтасығы мен бірін-бірі қолдауына шексіз мүмкіндік береді» деп жазылған.
Дегенмен Рим Папасы Франциск ғаламтордағы мәселелерге де тоқталып өтті. Понтификтің сөзінше, желідегі ақпараттың таралу жылдамдығы адамдардың оны дұрыс қабылдап, бағалау мүмкіндігінен әлдеқайда асып түседі.
Бұған дейін бұрынғы Рим Папасы Бенедикт XVI де интернет пен әлеуметтік желілілерді қолдаған еді. Ол 2011 жылы әлеуметтік желілер арқылы жаңа таныстар таба отырып, білім мен мәдени диалогтың алмасуына мүмкіндік беретінін атап өткен болатын.
