Жаңалықтарды Telegram арнамыздан оқыңыз!Сычуань провинциясында күшті жер сілкінісі болып, 11 адам қаза тапты. Тағы 122-сі жараланған. Дәрігерлер олардың жағдайы қалыпты екенін айтты.
6 балдық зілзала дүйсенбіде түнгі сағат 11 шамасында болған. Жер асты дүмпулері Чаннинг және Гунсянь округтерінен бастап, 300 шақырым жерге дейін сезілді.
Жергілікті билік аталған екі елді мекенде төтенше жағдай жариялап отыр.
Апат салдарымен күресу үшін 300-дей құтқарушы мен 63 машина жұмылдырылған. Ал, баспанасыз қалған тұрғындар уақытша шатырларға орналастырылды.
Жансая ҚАПАСҚЫЗЫ
