Жаңалықтарды Telegram арнамыздан оқыңыз!Курск облысының губернаторы атынан семейлік екі ардагер «Курск шайқасының 70 жылдығы» медалімен марапатталды. Курск доғасы - Отан соғысы тарихындағы ең ірі шайқастың бірі саналады.
Жан алып, жан беріскен бұл ұрыс 50 күнге созылып, жеңіске жетуде шешуші рөл атқарды. Оған Кеңес әскерінің 1 миллионнан астам жауынгері қатысқан.
Сұрапыл жылдары Семейден бұл майданға 100-ге тарта адам аттаныпты. Бүгінде олардың арасынан 90 жастағы Александр Доцук пен 92 жасқа келген Ольга Янчуктың ғана көзі тірі. Қарт майдангерлерге сұрапыл соғыстағы ерліктері үшін мерекелік медальдар салтанатты түрде табыс етілді.
Ольга Янчук, Отан соғысының ардагері:
Сол жылдар өте ауыр болды. Әлі де қиын күндерді еске алып отырамын. Бізді ұмытпай, құрметтегендеріңізге рахмет. 70 жыл бойы соғыссыз, бейбіт өмір кешіп жатырмыз. Бізге бұдан былай ешқандай жеңістің керегі жоқ. Тек соғыстың болмағандығы қажет, бейбітшілік керек!
Ержан ЖАҚЫП
