Қазақстан туристер үшін танымал елге айналуда

Еліміздің табиғаты мен қонақжай халқы шетелдік саяхатшылардың назарын аударып келеді. Президент жолдауында атап өткендей еліміздегі әрбір аймақ өз туристік әлеуетін тиімді пайдалана білсе, бұл сала экономикалық табыс көзіне айналмақ. Әсіресе, Алматы қаласы мен таулы аймақтар — туристер жиі ат басын бұратын орындардың бірі. Жергілікті демалушылармен қатар, елімізге алғаш рет келген шетел азаматтары да Қазақстанның туристік әлеуетіне оң бағасын беруде.