Экономиканы әртараптандыру: Алматыда жыл соңына дейін 12 жоба іске қосылады

Алматыда жыл соңына дейін 12 жоба іске қосылады. Ол үшін 132,5 млрд теңге инвестиция тартылмақ. Әсіресе, автокөлік шиналары, техникалық бұйымдар жасайтын кәсіпорындар, биологиялық жемдік қоспалар, тыңайтқыштар, шыны ыдыстар, арматура мен профильді құбыр әзірлейтін өндіріс орындары ашылады. Бұл туралы қалалық кәсіпкерлік басқармасы хабарлады. Соның арқасында 2800-ден аса маман жұмыспен қамтылады. Сондай-ақ, мамандар мегаполисте шағын және орта бизнесте де өсім бар, - дейді.

Әбілқайыр Әлмұханбет, қалалық Кәсіпкерлік және инвестициялар басқармасының бөлім басшысы:

2025 жылы субсидиялау, кепілдік беру және несиелендіру үшін бюджеттен 50 млрд теңге бөлінді. «Алматы бизнес - 2025» өңірлік бағдарламасы аясында 2025 жылы өткен кезеңнің айналым қаражаттары есебінен қаржыландырылып, жалпы соммасы 5,4 млрд теңгені құрайтын 50 жоба қолдау тапты.