Жаңалықтарды Telegram арнамыздан оқыңыз!Елімізде ерекше қажеттілігі бар спортшылар арасында өткен жетінші cпартакиада аяқталды. Астанада басталған жарыс Шығыс Қазақстан облысында түйінделді. 4 жыл сайын болатын байрақты бәсеке биыл 1–29 маусым аралығында 5 өңірде ұйымдастырылды. Оған барлық аймақтан 2 мыңға жуық спортшы қатысты. Пара атлеттер спортың 17 түрі бойынша бақ сынады. Спартакиада қорытындысы бойынша жалпы командалық есепте Астана қаласы 463 ұпаймен 1-орынға ие болды. 2-орынды Алматы қаласы еншілесе, үздік үштікті Алматы облысы қорытындылады.
Батыр Қадырбайұлы, Дене мүмкіндіктері шектеулі тұлғаларға арналған спорттық даярлау орталығының паралимпиадалық спорт түрлері бөлімінің басшысы:
Қай өңірде қай спорт түрі жақсы дамыған, қай спорт түрін дамыту қажеттігі анықталды. Сонымен қатар көптеген спортшы, жаңа талант анықталды. Келесі жылы осы спортшылар халықаралық жарыстарда үздік нәтиже көрсетеді деп ойлаймын.
Асылбек Данияр
