Жаңалықтарды Telegram арнамыздан оқыңыз!Жазғы Универсиада ойындарына дзюдодан ерлер барлық салмақ дәрежесі бойынша қатысады. Арасында Grand Slam жарыстарының жүлдегерлері мен жеңімпаздары бар. 60 келідегі Аман Бақытжан биыл Астанада өткен додада қола жүлде еншіледі. Ал жуырда ғана 66 келіге ауысқан Нұрқанат Серікбаев кадеттер арасындағы әлем чемпионы. Оның еншісінде Grand Slam-ның алтыны, күмісі мен қоласы да бар. Сондай-ақ 100 келіге дейінгі салмақта үшінші орын алған Бақжан Байтасқа да үміт артамыз. Ал әйелдер 6 салмақта сынға түседі. Бұл спортшылардың ішінде аса ауыр салмақта ел намысын қорғап жүрген Ақерке Рамазановаға сенім артамыз. Ақерке де Үлкен Дулыға турнирінде қола жүлдеге ие болған.
Асылбек Данияр
