Жаңалықтарды Telegram арнамыздан оқыңыз!Петропавлда XII азаматтық форум ұйымдастырылды. Көпшілік назарына «Үздік үкіметтік емес ұйым» байқауына қатысып, ең үздік деп танылған 13 жоба ұсынылды. Басқосуда ел президентінің IV Ұлттық құрылтайда жүктеген тапсырмасына сәйкес үкіметтік емес ұйымдар қызметін реттейтін заңнаманы жетілдіру мәселелері талқыланды. Сонымен қатар жиынға қатысушылар азаматтық қоғамның дамуы және мемлекеттік органдар мен үкіметтік емес ұйымдар арасындағы ынтымақты нығайту жөнінде ойларын ортаға салды.
Руслан Асаубаев, форумға қатысушы:
Бүгінгі шара нәтижесі бойынша резолюция әзірленеді. Құжатта біздің өңір үшін маңызды мәселелер қамтылады. Оны күзде өтетін республикалық форумда көпшілік назарына ұсынамыз. Осылайша қоғамдағы мәселелерді депутаттарға тікелей жеткізе аламыз. Үкіметтік емес ұйымдар жұмысын жетілдіру керек.
Эльмира Кәленова
