Жаңалықтарды Telegram арнамыздан оқыңыз!Биыл 35 мыңнан астам жас маусымдық жұмыспен қамтылады. Олар еңбек етіп қана қоймай, өздері тұратын қала мен елді мекенін көгалдандыруға, абаттандыруға үлес қосады. Сонымен бірге елдің экологиялық ахуалын жақсартуға септігін тигізеді. Істеген жұмысына қарай жалақы да алады. «Jasyl el» жастар еңбек жасақтары республикалық штабы басшысының айтуынша, қазір бұл шараға жастардың қызығушылығы артқан.
Нұрасыл Бекматов , «Jasyl el» жастар еңбек жасақтары республикалық штабының басшысы:
Жастар тегін жұмыс істемейді, өздерінің жасаған жұмысына белгілі бір көлемде қаржы қарастырылған. Қазіргі уақытта өзінің ауыл-аймағына барынша ағаштарды көбірек отырғызуға, қоқыстарды сұрыптап тастауға экологиялық мәдениеттің жоғары болуына үлес қосып келе жатыр. Қазір біз мемлекеттік мекемелермен бірге жыл сайын жастардың қатысу бойынша квоталарды көбейтуді пысықтап жатырмыз.
Асылбек Данияр
