Жаңалықтарды Telegram арнамыздан оқыңыз!Канаданың батысы мен орталығында орман өрті маусымы басталды. Лапылдаған жалын жүздеген гектар аумақты күлге айналдырған.
Жергілікті биліктің мәлімдеуінше, жасыл желектерді шарпып жатқан отты сөндіруге аспаннан су төгетін ұшақтар жіберілді. Өрттің өршуіне құрғақшылық себепші. Ал осы елдің Манитоба провинциясында төтенше жағдай жарияланып, мыңдаған адам көшуге мәжбүр болған. Осыған ұқсас жағдай Саскачеван аймағында да қалыптасып отыр. Онда 17 өрт ошағы қаулап, 15 елді мекен тұрғындары қауіпсіз жерге көшірілген.
Арыстан Рысбек
