Жаңалықтарды Telegram арнамыздан оқыңыз!Қызылорда облысы, Арал ауданының Қарақұм даласын шегіртке басты. Зиянкестер бірнеше ауылдың үстімен өтіп, жайылымдық жерлерді отап кеткен.
Мамандар шегірткеге қарсы улау жұмыстарын жүргізіп, 10 мың гектардан астам аумақты залалсыздандырып үлгерді. 2 ұшақ, 5 агродрон, 45 агрегат пен 279 адам жұмылдырылған. Мамандар жергілікті шаруаларға зардабы тиген жоқ деп отыр.
Қазір зиянкестердің шоғыры Ақтөбе облысы аумағына өткен. Ауыл шаруашылығы министрі Айдарбек Сапаров жағдайды бақылау үшін бүгін арнайы Арал ауданына келе жатыр.
Әділбек Серікұлы
