Жаңалықтарды Telegram арнамыздан оқыңыз!Биыл Шымкент қаласының мектеп оқушылары үшін ерекше лагерлер ұйымдастырылады. Әсіресе, жоғары сынып оқушыларына кәсіби бағдар беріледі. 7–8 сынып оқушылары шаһардағы 40 кәсіптік колледждің базасында түске дейін болып, жұмысшы мамандықтарының қыр-сырын қанығады. Шеберханалардағы жұмыс барысын көреді. Демалыс соңында оларға арнайы сертификат беріледі.
Ал 9 және 10 сынып оқушылары болса, демалысының біраз бөлігін жоғары оқу орындарында өткізбек. Олар университеттерге оқуға түсу тәртібімен танысады және ондағы білім беру процесі мен студенттік өмірді танып-білуге мүмкіндік алады.
Гүлназ Сүлейменова, қалалық Білім басқармасының басшысы:
Сол жердегі спорттық базаларда ойнайды. Әрбір мамандықтың ерекшелігін қарап, кәсіби шеберханалар бар, олармен 3–4 курс студенттері жұмыс жасайды. Әр мамандықпен егжей-тегжейлі танысып, сол мамандық не береді, ЖОО-ға қалай оқуға түсуге болады – сонымен танысады.
Ғани Қалмахан
