Жаңалықтарды Telegram арнамыздан оқыңыз!Жамбыл облысында суару маусымы басталғалы диқандарға былтырғыға қарағанда екі есе көп су берілді. «Биыл шаруалар 44 млн текше метр су алды»,-деп хабарлады Су ресурстары және ирригация министрлігінің өкілдері.
Бүгінде өңірдегі 13 мың гектар егіс алқабы суарылған. Күннің күрт ысуына байланысты аймақта суару кезеңі 25 күнге ерте басталды. Биыл жауын-шашын болмағандықтан, суға деген сұраныс өткен жылға қарағанда екі есеге артқан. «Қазсушар» мекемесі шарт жасасқан шаруаларды қажетті сумен қамтамасыз етіп жатыр. Келісімшарт талаптары толық орындалып, диқандар су көлеміне дән риза.
Әбдібек Шымырбаев, Қызылшарық аулының тұрғыны:
13 гектар арпа ектім. Қазір бір рет суарып қойдық. Су мол. Су бойынша тек қана келісімшартқа отыру керек, ақшасын төлеу керек. Қазақта «судың да сұрауы бар» деген сөз бар ғой. Жоңышқамыз бар, екі рет, үш рет орамыз, әр суғарған сайын бір орамыз. Гектарына 150-170-тен орам шөп аламыз.
Данияр Әлімқұл
