Жаңалықтарды Telegram арнамыздан оқыңыз!Қазақ тілінен өтетін «Жарқын болашақ» Республикалық шығармашылық байқауының қортындысы жарияланды. Қатарынан 13 жыл өтіп келе жатқан білім бәйгесі ана тіліміздің қолданыс аясын кеңейтуді көздейді. Конкурсқа 7-11 сынып аралығындағы 7 мыңға жуық оқушы қатысқан. Оның 2 мыңға жуығы өзге этнос өкілдері. Бес бағыт бойынша өткен байқаудан 188 оқушы үздік атанды. Олар бағалы сыйлықтармен марапатталып, ЖОО білім гранттарына ие болды.
Дархан Ермаханұлы, «Білім – инновация» халықаралық қоғамдық қорының президенті:
Бұл олимпияданың басты мақсаты мемлекеттік тіліміздің мәртебесін көтеру, мемлекеттік тіл арқылы ұлттық құндылығымызды, бірегейлігімізді дәріптеу мақсатында өткізіп отырмыз. Өткен жылы 1800-ге жақын болса, биыл 2 мыңнан асып түсті. Яғни, қазіргі уақытта өзге ұлттың өкілдері, оқушыларымыздың қазақ тіліне қызығушылығының артып отырғанын осы тіл олимпиядасы арқылы байқап отырмыз.
Серік Жұмабек
