Жаңалықтарды Telegram арнамыздан оқыңыз!Шахтадағы апатқа қатысты қылмыстық іс қозғалды. Облыстық Полиция департаменті өкілдерінің мәлімдеуінше, қазіргі уақытта барлық қажетті тергеу амалдары жүргізіліп жатыр.
Ербол Қайырбеков, Ұлытау ПД басшысының міндетін атқарушы:
«Тау-кен жұмыстарын немесе құрылыс жұмыстарын жүргізу кезінде қауіпсіздік ережелерін бұзу» бойынша қылмыстық іс қозғалды. Оқиға орнында Ұлытау облыстық Полиция басқармасының жедел-тергеу тобы жұмыс істеп жатыр.
Үкіметтік комиссия құрылды
Премьер-министр Олжас Бектеновтің тапсырмасымен үкіметтік комиссия құрылды. Шахта апатының себебін анықтау, сондай-ақ зардап шеккендерге көмек көрсету жөніндегі арнайы комиссияны Премьер-министрдің орынбасары Қанат Бозымбаев басқарады. Оған мемлекеттік органдар мен ұйымдардың жұмысын үйлестіру үшін шұғыл түрде төтенше жағдай орнына бару тапсырылды.
Айдана Қуантхан
