Жаңалықтарды Telegram арнамыздан оқыңыз!Павлодардың іргесіндегі Ақсу қаласында пансионат қызметкерлері қарттарды ұрып-соққан. Зәбір көрсетіп, күш қолданғандары ғимарат ішіндегі бейнекамераға түсіп қалған. Негізінен пансионат қызметкерлері қарттыққа әбден бой алдырған әлжуаз екі қарияға қорлық көрсеткен. Оның бірі 84 жаста. Қыстың суығына қарамастан қауқарсыз жандарды кейде сырт киімсіз аулада ұстаған. Осы оқиғаға қатысты қылмыстық іс қозғалды.
Әділет Әлмұхамбетов, Ақсу қаласы прокурорының орынбасары:
Сотқа дейінгі тергеп-тексеру басталды. Қазіргі уақытта барлық кінәлі тұлғалар анықталды. Тергеу барысы прокуратураның ерекше бақылауына алынды.
Болат Аманбаев
