Жаңалықтарды Telegram арнамыздан оқыңыз!Ақмола облысында бірнеше банктің қызметкерлері алаяқтармен сыбайласып, 108 адамды алдап соққан. Олар несие алуға рұқсаты жоқ азаматтарға қарызға ақша беріп, құжат рәсімдеген. Бүгінде жұмыстан өз еркімен кеткен қызметкерлердің біреуі де жазаланбады. Ал олармен ымыраласып, қарыз алатын азаматтарды тауып отырған 5 адамның кінәсі дәлелденді. Бурабай аудандық соты алаяқтарды 3 жылдан 4 жылға дейін бас бостандығынан айырды.
Жазадан сытылып кеткен банктің бұрынғы қызметкерлері тек куәгер ретінде сотқа қатысқан. Сондықтан, сот қаржы нарығын реттеу және дамыту агенттігіне осы оқиғаға қатысы бар банктерге шара қолдануды тапсырды.
Бибінұр Әмірханқызы
