Жаңалықтарды Telegram арнамыздан оқыңыз!Қазақстанда қалдықтарды қайта өңдейтін 41 зауыт салынады. Үкімет отырысында тұрмыстық қатты қалдықтарды сұрыптау және қайта өңдеу зауыттарын салу мәселесі талқыланды. Қазіргі уақытта Экология және табиғи ресурстар министрлігінің қарауында жалпы құны 307 млрд теңге болатын 65 жоба бар. Ұсынылған кәсіпорындардың 41-і қоқысты қайта өңдеуге бағытталған.
Олардың жалпы өңдеу қуаты жылына 1 млн тоннадан асады. Үкіметте «Таза Қазақстан» экологиялық акциясының іске асырылу барысы да қаралды. 2024 жылы акцияға 6 млн 200 мыңнан астам адам қатысқан. 1 млн тоннадан аса қалдық жиналып, 1 млн 600 мыңға жуық ағаш егілген.
Самал Қабышева
