Жаңалықтарды Telegram арнамыздан оқыңыз!«Таза Қазақстан» экологиялық акциясы Ақмола облысында жалғасып жатыр. Бүгін 500-ге жуық адам Зеренді курорттық аймағында жүзден аса көшет отырғызды. Көпшілік қыдырып келетін орман ішін қоқыстан тазартып, білім мекемелерінің аумағын абаттандырды. Іс-шараға еңбек ұжымдары, еріктілер мен қарапайым қала тұрғындары белсене қатысты. Жалпы облыста экологиялық акция басталғалы бері жүздеген тонна қоқыс шығарылып, 30 мыңнан аса көшет отырғызылды.
Алтын Төлеген, оқушы:
Бүгін міне, мектебімізбен аулаға шығып, «Таза Қазақстан» акциясы аясында ағаш ектік. Ағаш егу ол біздің негізгі парызымыз. Себебі біз өзіміздің елімізді таза ұстауымыз қажет. Біз 11 сынып оқушысымыз. Келесі жылдары мектепті бітірсек те келіп, ағаштарды күтіп, осы жерлерде жиналатын боламыз.
Ұмсындық Наурызбаева
