Жаңалықтарды Telegram арнамыздан оқыңыз!Елорда іргесіндегі Қоянды ауылына су өткізетін арық салынып жатыр. Бұл еріген қар суын ауылға жібермей, су бас қаупін алдын алады. Ауылдарда жайлы мектеп салынып, жаңа емхана да бой көтерді.
Көктем келе қояндылықтар қарғын судан қалай құтыларын білмей әлекке түсетін. Еріген қар суы көшелерді қойып, үйдің ішін алып кеткен жағдайлар да аз емес. Енді келер маусым бұл жағдай қайталанбауы тиіс. Өйткені облыс әкімдігінің бастамасымен 8 шақырымдық арық салынып жатыр.
Ерлан Бейсенов, жоба инженері:
Еріген қар суы енді осы арық арқылы ауылды айналып өтеді. Ұзындығы 8 шақырым болады тереңдігі 1 метрден 7- метрге дейін .
2000 орындық жайлы мектеп салынып жатыр
40000 тұрғыны бар қояндылықтар үшін екі мектептің өзі жетпейтін. Өйткені көшіп келушілер саны жыл санап артып келеді. Енді жаңа мектеп 2000 оқушының жайлы білім алуына мүмкіндік береді.
Қайролла Қауанұлы, Қоянды ауылының тұрғыны:
2 сменамен үш менамен оқитын жағдайларды жойып, бізге міне үлкен жайлы мектеп салып жатқанына қуаныштымыз. Қоянды ауылы жылдан-жылға көркейіп келеді.
Айтуған Әлмұханов, құрылыс учаскесінің басшысы:
Бүкіл каркастық жұмыстар бітіп тұр. Ішкі әрлеу жұмыстары жүргізіліп жатыр. Сырты фасад, және лаңды жақсарту жұмыстары жүргізіліп жатыр. Қазіргі таңда ішкі әрлеу және инженерлік коммуникациялық жұмыстар жүргізіліп жатыр.
Мамандар құрылыс жылдың соңына дейін аяқталады деп отыр.
Қояндыда бастапқы медициналық-санитариялық көмек көрсететін емхана жұмысын бастады
Қояндыда бастапқы медициналық-санитариялық көмек көрсететін емхана жұмысын бастады. Елдімекеннің 7 мыңнан астам тұрғыны тіркеліп үлгерген. Мұнда ультракүлгіндік дыбыстау, рентген, флюрография жасайтын заманауи құрылғылар бар. Маман жеткілікті. Елдімекендегі ендігі мәселе жолға қатысты еді. Сапасы сын көтермейтін. Енді бұл мәселе де шешімін таппақ. Биылдан бастап, келер жылдың соңына дейін ауылдағы 20 шақырым жол жөндеуден өтеді.
Раушан Сайлауқызы
