Жаңалықтарды Telegram арнамыздан оқыңыз!Ақтөбе облысының Әйтеке би ауданында көктемгі су тасқыны кезінде бүлінген үйлердің аумақтары мен өзен жағалауы «Таза Қазақстан» акциясы аясында тазаланып жатыр. Бұл жұмыстарға мемлекеттік мекемелердің қызметкерлері мен ауыл тұрғындары және жастар ұйымдарының мүшелері белсенді түрде қатысуда. Аудан орталығында тасқын кезінде ондаған үй су ортасында қалған еді. Бұл аумақтарға ағыспен бірге келген шөп-шалам мен тұрмыстық қалдықтар, көп жиналған. Тазалық акциясына қатысушылар, оның бәрін тазартып шықты. Жиналған қоқыс 60 жүк көлігіне тиеліп, полигонға шығарылды. Санитарлық жұмыстарға ауылдағы кәсіпкерлер де, көмек қолын созды.
Саламат Әбілов, Т.Жүргенов ауылының әкімі:
Акция аясында 35 үй зардап шеккен болса, сол үйлердің айналасын, сондай-ақ жағалауда орналасқан үйлердің ауласын, судың бетін қамыстан тазарту, су бетінен қоқыс жиналған болатын. Сол қоқыстың барлығын жиыстыруға, қамыс шығаруға ауылдың жастары, волонтерлер, акция аясында қызметкерлер бар, барлығы ауыл тазалығына бірдей атсалысқан болатын.
Жақсыбек Кемал
