Астаналық балақайларға бүгін «Болашақ энергиясы» мұражайына кіру тегін. Сондай-ақ QazExpoCongress ұлттық компаниясының ұйымдастыруымен кешен аумағында жаңа роллердром ашылды.
Қаракөз Тұрмағанбет, Тілші:
Бүгіннен бастап жазғы демалысқа шыққан балалар ЭКСПО аумағындағы жап-жаңа роллердромда көңіл көтеруіне болады. Ал бүгін 14 жасқа дейінгі балалар роликті тегін тебе алады.
Басқа күндері роллердромда арнайы аяқ киімді жалға алу құны - 2000 теңге. Ал егер өз ролигіңізді қолтықтап келсеңіз, алаңқайда тебу тегін. Роллердром жаз бойы жұмыс істейді. Дүйсенбі-бейсенбі күндері түскі 2-ден түнгі 11-ге дейін, ал жұма-жексенбі күндері таңғы 10-нан түнгі 11-ге дейін ашық.
Халықаралық балаларды қорғау мерекесіне орай, QazExpoCongress ұлттық компаниясы сонымен қатар "Болашақ энергиясы" мұражайында концерт ұйымдастырды.
Гүлжан Сергебаева, «Qazexpocongress» ұлттық компаниясының баспасөз хатшысы:
Концертте хореографиялық ансамбльдер жас өнерпаздар өнерлерін көрсетеді. Сондай-ақ мұражай бүгін16 жасқа дейінгі балаларды тегін қабылдайды.
Қаракөз Тұрмағанбет, Тілші:
Жасыл технологиялармен қоса, виртуалды шындық әлеміне саяхаттауға болатын мұражай бүгін кешкі тоғызға дейін жұмыс істейді.
Қаракөз Тұрмағанбет
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Астаналық балақайларға бүгін «Болашақ энергиясы» мұражайына кіру тегін&mh_tags=Qazaqstan&mh_page=https://qazaqstan.tv/index.php/news/194613/)