Жаңалықтарды Telegram арнамыздан оқыңыз!Сириядағы тозығы жеткен инфрақұрылым құтқару жұмыстарын қиындатып отыр. Жер сілкінісінен зардап шеккен аймақтарға көмек жеткізу мүмкін болмай жатыр. Әзірге жолдардың біреуі ашылды. Тағы екі өткізу пункті іске қосылады. Ал, үйінді астында жатқандарды шығаруға ауыр техника жоқ. Апаттан 3 мыңдай адам қаза тапқан. Ресми мәліметтерге сай, зілзала болған елдің солтүстік-батысындағы қалаларда 11 миллионға жуық адам тұрады. Күннің суықтығынан тірі қалғандарды табу үміті азайып барады. Оның үстіне аяз күшейді. Ал үйсіз қалғандар далада түнеуге мәжбүр.
Шаһар, жергілікті тұрғын:
Қабырғадағы жарықшақты көріп, қорқып тұрмын. Алеппода күн қаншалықты суық, жаңбырлы, тіптен цунами болса да үйінді астында қалғаннан гөрі балаларымызбен бірге тағы саябақта түнегенді жөн көрдік.
Арай Төлегенқызы
