Жаңалықтарды Telegram арнамыздан оқыңыз!Бүгін қазақстандық теннисші Елена Рыбакина Аустралия ашық чемпионатының финалында беларусь ойыншысы Арина Соболенкомен бас жүлдені сарапқа салды.
2 жарым сағатқа созылған тартысты бәсекені тамашалауға Астана тұрғындары көптеп жиналды. Жанкүйерлер қазақстандық спортшыдан жеңіс күтті. Алғашқы сәтте 6 да 4 есебімен жеңіске жеткен Рыбакина қалған екі кезеңде өкінішке орай жеңіліп қалды. Арина Соболенко алғаш рет «Үлкен дулыға» турнирінің чемпионы атанса, Елена Рыбакина ұпайлар саны бойынша әлемде 10-ші орынға көтерілді. Бұл қазақстандық теннисшінің ірі додалардың финалына екі мәрте шығуы. Жанкүйерлер бүгінгі ойын оларға ерекше әсер қалдырғанын алға тартты.
Роман Светлый, жанкүйер:
Біз соңғы секундқа дейін күдерімізді үзбедік. Еленамыз өте жақсы ойын көрсетті. Тартысты ойын болды. Бірақ Арина тізгінді өз қолына алып, бұл турнирде жеңіске жетті. Әрине, Еленаға зор табыс тілейміз.
