Жаңалықтарды Telegram арнамыздан оқыңыз!Украинада осы қыс қиындыққа толы болуы әбден мүмкін. Сондықтан ел президенті халқын әзір болуға шақырды. «Бұл қысқа төтеп беру – бәріне төтеп беру дегенді білдіреді», - деді Зеленский.
Сонымен қатар ол «паналау пункттеріне» тоқталды. Мұндай орталықтарды мемлекет құратынын және тұрғындар ол жерде тегін жылынып, интернетті пайдаланып, телефондарын қуаттай алатынын атап өтті.
Айта кетсек, Ресей әскері екі айдан бері Украинаның энергетикалық инфрақұрылымына соққы беріп келеді. Салдарынан миллиондаған адам жарықсыз қалды. Осы шабуылдардың кесірінен алдағы аяздарда елдің бір бөлігіне жылу беру де үлкен проблемаға айналуы мүмкін.
