Жаңалықтарды Telegram арнамыздан оқыңыз!Үндістанның Ассам штатында тасқын жайлаған аудандарда түрлі ауру тарай бастады. Жергілікті тұрғындар, әсіресе дене қызуынан, жөтелден, диареядан зардап шегіп отыр.
Жалпы алғанда аймақта 5,5 миллиондай адам үйлерін тастап кеткен. Солардың 3,7 миллионы мемлекет тұрғызған уақытша шатырларға орналастырылды. Талай ауыл суға кетті. Қазір оларға қайықтар, тікұшақтармен көмек жеткізіліп жатыр.
Ал Қытайдың оңтүстігінде полицейлер суға кете жаздаған әйелді құтқарды. Ол машинасымен өзенге айналған көшеде қалып қойған. Тәртіп сақшылары азаматшаны әрең аман алып қалғандарын айтады.
Айта кетсек, Гуандун провинциясы – Қытайдың түскейінде толассыз жауын мен тасқыннан еңқатты зардап шеккен аймақтардың бірі.
