БҚО-да карантин күшейді

Батыс Қазақстанда демалыс күндері қоғамдық көлік қозғалысы тоқтайды. Мейрамхана, дәмхана, базар жабық болады. Саябақ ашық болғанымен, аттракцион жұмыс істемейді. Жаңа тәртіп бүгіннен бастап күшіне енді. Өйткені, өңірде эпидахуал нашарлап кетті. Облыстық аурухана стационарында бос орын қалмады.

Мұқамғали Арыспаев, облыстың бас мемлекеттік санитар дәрігері:
Барлық сауда үйлері, қоғамдық тамақтану орындары сенбі-жексенбі күндері тоқтатылады. Діни обьектілер, спорттық үлкен залдар, фитнес залдар, жүзу бассейні — барлық нысан, «Ashyq» бар-жоғына қарамастан, жұмысын тоқтатуы тиісті.

Маңғыстауда да шектеу шаралары күшейтілді. Халыққа қызмет көрсету орталықтары бес күндік жұмыс тәртібіне көшті. Сенбі-жексенбі жабық. Өңірдегі инфекциялық стационарлар 66 пайызға толған.

Ардақ Мұратқызы