Тарихты халықаралық деңгейде зерттеу қажет - ғалымдар

Еліміздің тарихын халықаралық деңгейде зерттеу қажет. Түркі тілдес халықтардың, оның ішінде қазақ ұлтының тарихы әлемдік ғылыми ортада лайықты орнын алуы тиіс. Бұл туралы Көкшетауда өткен "Ұлы Дала тарихына тағзым!" атты халықаралық ғылыми-тәжірибелік конференцияда айтылды. Оған еліміздің ғалымдарымен қатар, шетелдік белді университеттердің, ұйымдардың өкілдері қатысты. Тарихшылардың пікірінше, зерттеу жұмыстарын жаңа деңгейге көтеру керек. Сонымен қатар, олардың нәтижелерін насихаттауды да күшейткен жөн. Конференция Елбасының "Ұлы даланың жеті қыры" және мемлекет басшысының "Тәуелсіздік бәрінен қымбат" мақалалары негізінде ұйымдастырылды.

Айбар Хасенәлі археолог: 

Археология қазір тек бір орында тұрмайды. Археология жаңа әдістерді, әлемде пайда болып жатқан әдістерді қолдануымыз қажет. Бұл тұрғыда пәнаралық зерттеулерді біз қолдануымыз керек. Бұрынғыдай біз жалаң сөзбен емес, қазір ғылыми дәйектермен, халықаралық деңгейде мойындалған деректермен сөйлеуіміз қажет. Ол тұрғыда кез-келген саланы айтуға болады. тас дәуірінен бастап, қазақ халқының тарихына дейінгі аралықтағы барлық ескерткіштерді зерттеуіміз керек.

Ермек Елберген