Жаңалықтарды Telegram арнамыздан оқыңыз!Павлодар облысында жол-көлік апатынан 6 адам қаза тапты. Төтенше жағдай кеше түнгі сағат 23:00 шамасында Ақтоғай ауданы, Тортай ауылы маңында болған. Қазір қарама-қарсы бағытта келе жатқан «Audi» маркалы қос көліктің қалай соқтығысқаны тексеріліп жатыр.
Алдын ала мәліметке қарағанда, екі жүргізуші де спирттік ішімдік татпаған. Бірақ, аса қатты жылдамдықпен жүрген. Тағы алты адам ауруханада жатыр. Олардың екеуі - Моңғолия елінің азаматтары. Өте ауыр халде. Сондықтан, ауданнан облыстық аурухананың жансақтау бөліміне жеткізілді.
Болат АМАНБАЕВ
