Жаңалықтарды Telegram арнамыздан оқыңыз!Қазақстандық Зарина Дияс Қытайдың Шэньчжэнь қаласында өтіп жатқан теннистен халықаралық турнирді жеңіспен бастады.
Әлемнің 52-ші әрі Қазақстанның 1-ші ракеткасы З.Дияс бірінші айналымда дүниежүзілік рейтингте 140-шы орында тұрған қытайлық Чжан Кайлиньмен кездесіп, 6:4, 7:6 есебімен ұтты.
Осы турнирдің 7-ші ракеткасы саналатын Зарина Диас енді келесі айналымда румыниялық Андреа Митуды 6:3, 6:3 есебімен жеңген чехиялық Катержина Синяковамен кортқа шығады.
Еске сала кетейік, жүлде қоры 426 750 АҚШ доллары болатын Шэньчжэнь турнирінде тағы бір қазақстандық, әлемнің 67-ші ракеткасы Ярослава Шведова да бақ сынауда. Ол эстониялық Анетт Контавейтпен күш сынаспақ.
