Жаңалықтарды Telegram арнамыздан оқыңыз!Бүгін «Таңшолпанда» қонақта болған сиқыршы Самат Рыскелді: «Сиқыр өнеріне деген қызығушылық бала кезімнен бар. Мен әнді де айтамын, сурет те саламын, бірақ, сиқыр өнеріне көп көңіл бөлемін»,-дейді.
«Бұл өнер шетелде жақсы дамыған. Біздің елде енді көтеріліп келеді. Сахнаға шыққаннан кейін халықтың не көргісі келіп отырғанын дөп табуың керек. Көрерменге сенен керегі – таңқалу ғана. Сол себепті, кейбір кезде кетіп жатқан қателіктерді білдіртпеуге тырысу қажет»,-дейді сиқыршы.
«Сиқырдың түрі көп. Иллюзиялық, микромагия, сахналық нөмірлер, көмекшімен жұмыс істеу деген сияқты түрлері бар. Мұны үйренуде адамға алдымен керегі – өзіне деген сенімділік, сиқырға деген қызығушылығы артып тұрса, алынбайтын қамал болмайды».
«Шетелдік сиқыр өнері мамандарымен қарым-қатынас орнатып жатырмыз. Біз жылына бір рет үлкен концерт ұйымдастырамыз, сол кезде Украина, Ресейдің сиқыршылары келеді, тәжірибе алмасып отырамыз»,-дейді Самат Рыскелді.
Толығырақ «Таңшолпанда».
