Қайта өңдеу өнеркәсібі – Қазақстан экономикасының қозғаушы күші

Мемлекеттік қолдау шараларының арқасында қайта өңдеу өнеркәсібі отандық экономиканың қозғаушы күшіне айналды. Индустрияландыру бағдарламасын жүзеге асыру жылдарында аталмыш секторда айтарлықтай нәтижелерге қол жеткізілді.

Биылғы жылдың 10 айында атқарылған жұмыстарға жасалған талдау жұмыстары қайта өңдеу өнеркәсібінің экономиканың өзге секторларынан мықты екендігін көрсетті.

Өткен жылдың сәйкес мерзімімен салыстырғанда, Картаның жобалары қайта өңдеу өнеркәсібінің 14 пайызға өскендігін көрсетті. Ал, қайта өңдеу өнеркәсібінің дәстүрлі кәсіпорындары бұл уақытта 9 пайызға құлдырады. Осылайша, Индустрияландыру картасының аясында іске қосылған жаңа өндірістер еліміздің 16 аймағының 14-інде өзге кәсіпорындарға қарағанда тиімділігін көрсетті.

Картадағы қайта өңдеу өнеркәсібі жобаларының үлесі шамамен 15 пайыз өсімді көрсетті. 2015 жылдың қорытындысы бойынша, үйлестірілетін салаларда өндіріс көлемінің сақталуы 2014 жылдың деңгейінде қалып отыр.

Kaznews.kaztrk.kz