Қазақстандық Юлия Галышева могулдан Әлем чемпионатында қола жүлде иеленді

Жұптық могулдан америкалық Ханна Кирни Әлем чемпионы атанса, канадалық Жюстин Дюфур-Лапойнт күміс жүлде иеленді. Юлия үшінші орын үшін бәсекеде атақты апалы-сіңлілердің бірі Хлоя Дюфур-Лапойнттен басым түсті.

Бұған дейін осы әлем біріншілігінде могулден өткен жарыста Юлия бесінші орынды иеленді.

Еске сала кетейік, 2014 жылы 13 желтоқсанда Финляндияда өткен Әлем кубогі кезеңінде жұптық могулден Юлия Галышева жартылай финалда Ханна Кирниді, финалда дәл осы Хлояны ұтып, жеңімпаз атанған.

Өткен жылы Сочи Олимпиадасында төрешілердің төмен баға қоюына байланысты жүлделі орынға іліге алмаған қазақстандық могулші шеберлігін осылайша дәлелдеп келеді.