7 қаңтар күні республиканың басым бөлігінде қар жауып, боран соғады

Қазақстан аумағында фронтальдық ағындардың өтуіне байланысты қалың қар жауып, тұман түседі. Көктайғақ болып, жел күшейеді.

Бұл туралы Қазгидромет хабарлады.

Алматы облысында кей жерлерде тұман түсіп, Жалаңашкөл ауданында желдің жылдамдығы 20-25 м/с-қа жетеді. Ақтөбе, Шығыс Қазақстан облыстарында желдің күші  15-20 м/с-қа жетіп, боран соғады. Павлодар облысында желдің күші 17-22 м/с-қа дейін барады, көктайғақ болады. Маңғыстау облыстарының кей аймақтарында тұман түсіп, 15-20 м/с екпінмен жел соғады. Ақмола, Қостанай, Солтүстік Қазақстан, Қарағанды, Атырау облыстарында желдің күші 15-20 м/с күшейіп, боран соғады. Жамбыл, Қызылорда обыстарының кей жерлерінде тұман, көктайғақ болады. Оңтүстік Қазақстанда тұман түседі.