Жаңалықтарды Telegram арнамыздан оқыңыз!Қазақстан Республикасы Үкіметінің «Шекті тарифтерді белгілеу туралы» 2009 жылдың 25 наурызындағы № 392 Қаулысына сәйкес, 2015 жылдың 1 қаңтарынан бастап төмендегі энергия өндіруші ұйымдар электр энергиясына босату бағасын көтеретіні туралы хабарлады:
Солтүстіктегі энергия көздері - 8,8 теңгеге дейін (10 пайыз);
«Алматы электр станциялары» АҚ - 8,6 теңге (5 пайыз);
Жамбыл ГРЭС-і – 8,7 теңгеге дейін (2 пайыз).
Сонымен қатар, электр энергиясын «KEGOC» АҚ желілері арқылы тарату 33 пайызға, «АЖК» АҚ өңірлік деңгей желілері арқылы тарату 4 пайызға өсті. Сондай-ақ, электр энергиясын өндіру-тұтыну теңгерімін ұйымдастыру 0,083 теңге/кВтсағ өсті.
Электр энергиясының сатылу тарифінің негізгі бөлігін нарықтағы бағасы құрайтындықтан, «АлматыЭнергоСбыт» ЖШС электр энергиясын тұтынушыларына тарифтің 7,5 пайызға өзгеретінін хабарлайды. 2015 жылдың 1 қаңтарынан бастап Алматы қаласы және Алматы облысының тұтынушылары үшін төмендегі тарифтер қолданылады:
Электр энергиясын көлеміне қарай пайдаланатын тұрмыстық тұтынушылар үшін дифференциалды тарифтер (12 пайыз-ҚҚС есептегенде)
· бірінші деңгейлі тариф – 1 кВт.сағ. 15,43 теңге
· екінші деңгейлі тариф – 1 кВт.сағ. 20,90 теңге
· үшінші деңгейлі тариф – 1 кВт.сағ. 26,13 теңге
Тәулік мезгілі бойынша сараланған тариф, (12 пайыз-ҚҚС есептегенде)
Екі зоналы есептеу жүйесі бойынша:
күндізгі тариф (7.00-ден 23.00-ге дейін) – 1 кВт.сағ. 22,33 теңге
түнгі тариф (23.00-ден 7.00-ге дейін) – 1 кВт.сағ. 4,92 теңге
Үш зоналы есептеу жүйесі бойынша:
күндізгі тариф (7-00-ден 19-00-ге дейін) – 1 кВт.сағ. 17,42 теңге
ең жоғарғы деңгейдегі тариф (19-00-ден 23-00-ге дейін) – 1 кВт.сағ. 36,48 теңге
түнгі тариф (23-00-ден 07-00-ге дейін) – 1 кВт.сағ. 4,92 теңге
Бұл туралы Алматы энергия кешенінің қоғаммен байланыс бойынша қызмет көрсетудің жалпы орталығы хабарлайды.
