Жаңалықтарды Telegram арнамыздан оқыңыз!Бүгін ҚР Президенті жанындағы Орталық коммуникациялар қызметінде өткен брифингте Soyle.kz порталының мобильдік қосымшасы мен bala.soyle.kz «Балаларға арналған қазақ тілі» дамыту порталы таныстырылды. Бүгінгі таңда қосымшаны Android ОЖ смартфондарына жүктеп алуға болады.
Soyle.kz - интернет арқылы қазақша сөйлесуге, оқуға, жазуға үйрететін оқу бағдарламасы. Мобильді қосымша арқылы мемлекеттік тілді тегін және оңай үйренуге болады.
Bala.soyle.kz порталы - балаларға арналған дистанциялық оқытып-үйрету жүйесі. Мұнда балалардың сөздік қорын дамытып, дұрыс сөйлеуді үйретуге арналған онлайн-ойындар ұсынылған. Балалар ойындар арқылы қазақ әліпбиінің әріптерін үйренеді. Сондай-ақ, мультфильм көріп, ән айтып, ертегі тыңдап, санамақ үйрене алады.
