Ертең павлодарлық зейнеткерлер қоғамдық көліктерде тегін жүреді

Ертең павлодарлық зейнеткерлер қоғамдық көліктердің қызметін ақысыз пайдаланбақ, деп хабарлайды pavlodarnews.kz.

Бұл – Халықаралық қарттар күніне арналған сый болмақ.

Павлодар облыстық Жұмыспен қамтуды үйлестіру және әлеуметтік бағдарламалар басқармасының мәліметінше, қазіргі таңда аймақта 107 мың зейнеткер бар. Қарттардың 54 мыңы қалалық жерде тұрады. Сонымен қатар өңірде 300-ге жуық Екінші дүниежүзілік соғыс ардагері және 9100 тыл еңбеккері өмір сүреді.