Алматыда өрт сөндіру-құтқару спортынан әлемдік біріншілік басталды

Бүгін Алматыда  өрт сөндіру-құтқару спортынан X Әлем чемпионаты басталды.

Шараның ашылу салтанатына қала әкімі Ахметжан Есімов қатысып, әлемдік жарыс Қазақстандағы аталмыш спорттың дамуына жаңа қарқын беретінін айтты.

«Халықаралық жарыс еліміздегі өрт сөндіру-құтқару спортының дамуына серпін бермек.  Сондай-ақ, шара салауатты өмір салтын насихаттай отырып, жастар арасында спорттың осы түріне деген қызығушылықты арттырады», - деді шаһар басшысы өз сөзінде.

Ахметжан Есімов өрт сөндірушілер мен құтқару қызметі мамандарының кәсіби деңгейінің жоғары дәрежеде екендігін атап өтіп, қатысушыларға сәттілік тіледі.