Жаңалықтарды Telegram арнамыздан оқыңыз!«Әлем дәрігерлері ядролық соғысты болдырмау үшін» халықаралық қозғалысының негізі 1980 жылдың желтоқсанында қаланған. Ал, қозғалыстың алғашқы конгрессі 1981 жылы АҚШ-тың Арли қаласында өтті.
Конгресске қатысқан 11 мемлекет ядролық соғыстың салдары туралы материалдарды жариялады. Сол жиында бүкіл әлем атом бомбасының қасіреті туралы көптеген жаңа мәлімет алды. Мысалы, егер 1 мегатонна болатын бір атом бомбасы 1 миллион халқы бар қалаға тасталса, 300 мың тұрғынын бірден, ал тағы 400 мың адам күйік, түрлі сәуле ауруынан қайтыс болады.
1984 жылы өз қызметі үшін федерация ЮНЕСКО-ның сыйлығына ие болды. Қазірде қозғалыстың қатарына 65 мемлекеттен дәрігерлердің топтары енеді.
