Жаңалықтарды Telegram арнамыздан оқыңыз!Алматыда 7-8 тамыздан бастап «Қазақстанның үздік тауары» атты аймақтық көрме-конкурсы өтпек. Конкурс үш аталым бойынша ұйымдастырылады.
-Өндірістік саладағы үздік тауарлар;
-Халыққа арналған үздік тауарлар;
-Үздік азық-түлік тауарлары.
Шара аясында «Қазақстанның үздік тауары» конкурсына қатысушы кәсіпорындарының өнімдері көрмеге қойылады.
Осы көрме барысында 7 тамыз күні «Almaty Towers» кешенінде конкурс жеңімпаздары салтанатты түрде марапатталады.
Жеңімпаздарға бағалы сыйлықтармен қатар, Алматы қаласы әкімінің I, II, III дәрежелі дипломдары беріледі.
Ал желтоқсан айында «Қазақстанның үздік тауары» республикалық көрме-конкурсы өтеді. Онда аймақтық байқаудың жеңімпаздары қатысып, республикалық сайыста бақтарын сынамақ.
