Жаңалықтарды Telegram арнамыздан оқыңыз!Бүгін - Халықаралық спорт журналисінің күні (World Sports Journalists Day). Бұл күн 1995 жылдың 2 шілдесінен бастап жыл сайын әлемнің көптеген елінде аталып келеді.
Бұл мерекені атап өтуге Халықаралық спорттық баспасөз қауымдастығы ұйытқы болды. Кәсіби мерекені тойлау үшін қауымдастықтың құрылған күні таңдалынып алынды.
1924 жылы Парижде құрылған Халықаралық спорттық баспасөз қауымдастығы бүгінде 150-ге жуық ұлттық журналистер одағын біріктіреді.
Мереке күні Халықаралық спорттық баспасөз қауымдастығы салтанатты жиын өткізіп, бұқаралық ақпарат құралдарының спорт саласындағы үздіктерін марапаттайды. Сонымен қатар, бірқатар арнайы спорттық шара ұйымдастырылады.
