Жаңалықтарды Telegram арнамыздан оқыңыз!«Қазгидромет» РМК 29-31 наурыз күндеріне арналған ауа райы болжамын ұсынады. «Каспий теңізінің үстінде қалыптасқан, циклон, Қазақстанның батыс, орталық және солтүстік облыстары арқылы Батыс Сібірге қарай жылжиды.
Осы циклонның салдарынан жер-жерлерде жауын-шашын, көктайғақ, тұман, екпінді желдің жылдамдығы 15-20 м/с болады, ал 31 наурызда республиканың батысы мен солтүстігінде батыс желдің қарқыны 18-23 м/с, кей жерлерде 28 м/с күшейеді.
Осы циклонмен байланысты, атмосфералық фронттармен Қазақстанның оңтүстігінде 29-31 наурызда, оңтүстік-шығыс пен шығыста 31 наурызда күн бұлтты, жаңбырлы болып, жауын соңы шығыста қарға ұласуы мүмкін.
