![Головкин ережесіз жекпе-жектегі өзінің ең сүйікті спортшысының есімін атады](https://cdn.qazaqstan.tv/old/articles/3/article_35018.jpg?w=928&h=522&format=jpg&resize=aspectfill&g=center)
Орта салмақтағы WBA және IBO нұсқалары бойынша әлем чемпионы қазақстандық боксшы Геннадий Головкин Ultimate Fighting Championship (UFC) турнирінде жұдырықтасатын Ронда Роузи өзінің сүйікті спортшысы екенін айтқан. Бұл туралы спорт журналисі әрі комментатор Григорий Стангрит Твиттерде хабарлаған.
ММА ережесіз жекпе-жегінде жұдырықтасатын 27 жастаға Ронда Роузи әлі жеңілген емес. 2008 жылы ол жазғы Олимпиада ойындарында қола медальға қол жеткізген алғашқы америкалық болды.
Естеріңізге сала кетейік, Головкин 1 ақпан күні Монако қаласында ганалық Осуману Адамамен қолғап түйістіріп, жеңіске жетті. Енді ол шаршы алаңға 26 сәуір күні шығады. Қазақстандық боксшының қарсыласы әлі белгісіз, алайда ол ирландиялық Энди Лимен бокстасады деп күтілуде.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Головкин ережесіз жекпе-жектегі өзінің ең сүйікті спортшысының есімін атады&mh_tags=Qazaqstan&mh_page=https://qazaqstan.tv/news/84558/)