Бүгін – Дүниежүзілік радио күні

13.02.2014
Бүгін – Дүниежүзілік радио күні
  Бүгін – Дүниежүзілік радио күні.  Бұл атаулы күн 2011 жылғы 3 қарашада ЮНЕСКО Бас конференциясының 36-шы отырысында бекітілген. Халықаралық күнді енгізуге Испания бастамашы болды.
 
 Бұл күн кездейсоқ таңдалған жоқ. 1946 жылы 13 ақпанда БҰҰ өзінің радиоқызметін - БҰҰ радиосын іске қосты. Оның станциясы БҰҰ штаб-пәтерінде орналасты.
 
Дәл осы күні ЮНЕСКО-ға кіретін мемлекеттерде радиотарату компанияларының қатысуымен түрлі іс-шаралар ұйымдастырылады.
 
Бүгін «Қазақстан» РТРК АҚ-на қарасты «Астана» радиосының ұжымына бразилиялық тыңдарманнан құттықтау хат келді. 
 
Біз де «Астана», «Шалқар», Қазақ радиосында қызмет атқаратын әріптестерімізді кәсіби мерекелерімен құттықтаймыз.  

Хабарламаларға жазылу