Астанадағы №12 емханада ашық есік күні ұйымдастырылды

Медициналық мекеме қала маңындағы Үркер шағын ауданында орналасқан. Үш жыл бұрын ашылған емханада 21 мыңнан астам адам тіркелген. Қалаға қарасты мекемеге көбіне Ақмола облысының Қараөткел ауылының тұрғындары қаралады. Негізінен ол ауыл мекенжай бойынша Целиноград ауданының орталығы - Малиновкаға қарайды. Алайда, ара қашықтығы 30 шақырым болатын орталыққа ауылдағылардың жетуі қиын. Сол себепті елді мекеннің жартысына осы қалалық емхана қызмет көрсетеді.

Бүгін тұрғындар хирург, педиатр, онколог, терапевт мамандарының тексерісінен өтіп, ем шараларын қабылдады. Әдетте кезек күтіп шаршайтын келушілерге бүгінгі ашық есік күні таптырмас шара болды.

Сәуле АЛДАМҰРАТҚЫЗЫ