Жаңалықтарды Telegram арнамыздан оқыңыз!Қазақстанның тәуелсіздік жылдары жеткен 100 жетістігін баяндайтын айдарымызды жалғастырамыз. Бүгін, ақпараттық технологиялар саласын түйіндеп, индустрилық-инновациялық өндіріс саласындағы жетістіктер жайлы сөз етеміз.
Қазақстандықтардың 60 пайыздан астамы компьютердің тілін түсінеді. Бұл көрсеткіш 2010 жылы 50 пайыздан төмен еді. Отандық теле-радио саласының мақтанышы «Қазмедиа орталығы» кешені іске қосылды. Осы жерден 7 арна мен 3 радио эфирге шығады. Телеарналар HD 1080 50 Hz сандық сапасында хабар таатады. Сондай-ақ, «Қазақстан» Ұлттық телеарнасы ребрендингтен өтті. «Балапан», «Мәдениет», «KAZsport» телеарналары ашылды.
Ел экономикасының күре тамыры ол индустриялық карта шеңберінде салынған өндіріс ошақтары. 2011-14 жылдар аралығында 631 жоба жүзеге асты. 55 мыңға жуық Қазақстандық тұрақты жұмыс тапты. Өткен жылы 600 миллиард теңгеге 150 кәсіпорын ашылып, 12 мың адам жұмыспен қамтылды. 2011-2014 жылдары жалпы соммасы 4 трилион теңгенің тауары өндірілді. Өндіріс көлемі өсіп келеді. 2014 жылы 1,5 триллион теңгенің тауары өндірілді. Бұл жалпы ішкі өнімнің 7,9 пайызы. Бүгінде ай сайын 100 миллиард теңгенің тауары өндірілуде.
