Жаңалықтарды Telegram арнамыздан оқыңыз!Азия инвестициялық инфрақұрылымдық банкін құруды алғашқыда 21 мемлекет қолдаған. Олардың ішінде Қазақстан да бар.
Банктің бастапқы капиталы - 100 миллиард АҚШ доллары. Ол қаржының елу пайыз үлесі Қытайдың еншісінде.
Азия және тынық мұхит аймағындағы елдердің инфрақұрылымдық жобаларын іске асыруға өзіндік ресурстары жеткіліксіз. Сондықтан аталмыш банк қазір ауадай қажет дейді, Қытай тарапы.
Бүгінде 40 мемлекет банктің құрылтайшысы атанды. Еуропадан алғашқы болып ниет білдірген Ұлыбритания. Оның соңынан Германия, Франция, Италия және өзге де Еуроодақ мүшелері кірді.
Осылайша АИИБ әлем алпауыттарын біріктірді. Ал, халықаралық қаржы ұйымдары банкпен тығыз қатынас орнатпақ.
Дәурен БАУЫРЖАНҰЛЫ
