Батысқазақстандық кәсіпкерлердің өзекті мәселелері талқыланды

Батыс Қазақстан облысында Үдемелі индустриалды-инновациялық даму бағдарламасы іске асқалы өндіріс көлемі екі есе ұлғайған. Мұндай ақпарат облыстық кәсіпкерлер форумында айтылды.

Бұған қоса, өткен жылдың өзінде өңірдегі өңдеу саласының 24 кәсіпорны 3,5 миллиард теңгенің жеңілдетілген несиесіне қол жеткізді. Әйтсе де, әлемдік дағдарыстың салқыны сезіліп отыр.

Экспорт көлемі кеміп, өндіріс қарқыны баяулаған. Жиын барысында жергілікті кәсіпкерлер өздерін мазалаған мәселелермен бөлісті.

Рауан ДИӘЛИ