Соңғы 4-5 жылда Қазақстанның жер қойнауын пайдалану мен уран, химия өнеркәсібі қарқынды дамыды

Оның 140,2 миллиард теңгесі геологиялық барлау саласына жұмсалды.

Ал, кең тараған қатты және пайдалы қазбалар мен жер асты суларына құйылған инвестиция 2011-2015 жылдары 820,3 миллиард теңгеден 1,22 триллион теңгеге артты.

Еліміз уран өнеркәсібін дамыту жағынан әлем бойынша алдыңғы елдердің қатарында тұр. Осыдан 4 жыл бұрын 17,8 мың тонна уран өндірілсе, қазір ол 22,8 мың тоннаға жетті. Яғни, 28 пайызға артты. Әлем бойынша өндірілетін уранның 38 пайызы Қазақстаннан шығатынын да айта кету керек.

Химия өнеркәсібі бойынша да еліміз алдыңғы қатарда келеді. Күкірт қышқылын өндіру 4 жыл ішінде 1,4 миллион тоннадан 2,1 миллион тоннаға артты. Бұл – 48 пайыз.

Сәуле АЛДАМҰРАТҚЫЗЫ