Алматы политехникалық колледжіне 75 жыл толды

Биыл еліміздегі алғашқы кәсіптік білім ордасы - Алматы Мемлекеттік политехникалық колледжіне 75 жыл толды.

Осыған орай, оқу орнында мерекелік шара өтті. Ұжым басшылығы ұзақ жыл еңбек сіңірген ардагер ұстаздарға алғыс білдіріп, мерекелік диплом табыс етті.
Өнерпаз студенттер күмбірлетіп күй төгіп, әннен шашу шашып, кештің көркін кіргізді.

1940 жылы құрылған қара шаңырақтан 75 жыл ішінде 10 мыңнан аса шәкірт қанат қақты. Техниктер ұстаханасының түлектері телевизия, металлургия және машина жасау салаларында жемісті еңбек етуде.

Нұрдәулет Жабықбаев, Алматы Мемлекеттік политехникалық колледжінің директоры:
Соңғы жылдардағы «Үздік педогок» республикалық байқауында біздің мұғалімдер бірінші орынды иеленіп келеді. 2015 жылы да сол үздік мұғалім атағын біздің қызметкеріміз Маржан Мәлікова жеңіп алды.

Нұрлан АСҚАРҰЛЫ